EasyBooking.is

Vísitala sjálftökulauna.

GUL FRÉTT.

orionid001

Fyrirspurnunum rignir yfir formann samninganefndar ríkisins.

Alheimssátt um drög að nýjum kjarasamningum?

Náðst hefur sátt um  drög að tímamótasamkomulagi um nýja kjarasamninga milli allra helstu samninganefnda innanlands sem utan. Einnig hafa forsvarsmenn frá öðrum stjörnukerfum skoðað alvarlega að taka drög samkomulagsins til skoðunar.

 Helstu atriði samkomulagsdraganna eru eftirfarandi:

  • Reiknuð verði út Vísitala Sjálftökulauna þar sem meðalhækkun launa svokallaðra sjálftökuaðila verði tekin til grundvallar hækkun launa allra almennra launþega.  Til sjálftökuaðila teljast til dæmis Alþingismenn, stjórnarmenn í Lífeyrissjóðum, bönkum og alþýðusamtökum auk hinna ýmsu forstjóra og forstöðumanna.

  • Samningstíminn er ótilgreindur og gildir hann afturvirkt frá og með 1. nóvember 2008. Þetta þýðir á mannamáli að starfsmenn munu fá leiðréttingu á sínum launum aftur til 1. nóvember 2008 síðastliðins á grundvelli hinnar nýju vísitölu.

  • Desemberuppbót verði Arðgreiðslur upp á 50 – 200 milljónir eftir starfsaldri.

  • Lágmarkslaun verða samsvarandi upphæð og nemur dagpeningum Alþingismanna.

  • Viðvaningsvæðing verði færð inn í öll þrep með sérstöku samkomulagi og framlag í starfsmenntasjóði starfsmanna verði því afnumið.

  • Gerðar verða breytingar á reglum um ráðningarsamninga. Jeppi verði hluti af öllum nýjum ráðningarsamningum.

Þetta eru helstu atriði samningsdraganna en þar sem samningsdrögin eru nokkuð flókinn þá hvetur formaður landsmenn til að kynna sér vel innihald þeirra. Kynningargögn verða birt hér á næstu vikum ásamt gögnum varðandi útreikning hinnar nýju vísitölu. Einnig munu verða kynningarfundir sem auglýstir verða síðar.

Enn og aftur hvetur formaður Samninganefndar Landvætta Íslands, landsmenn alla til að fá nánari útskýringar á þessum samningsdrögum hjá sínu stéttarfélagi.

Gul skilaboð




EasyBooking.is
Lífeyrisréttindi.is
Gult á Facebook
Norðurljósin og norðurljósaspá
Blacki.is
Skipaferðir