EasyBooking.is

Þorskkvótinn úr sögunni?

Leið mistök hjá Hafrannsóknarstofnun.

Þau leiðu mistök áttu sér stað hjá starfsmönnum Hafrannsóknarstofnunar að röng spóla var sett í tæki þau sem bæja átti síld út úr Kolgrafarfirði. Mistökunum hefur verið haldið leyndum en svo virðist sem þorskstofninn hafi í heild sinni synt að ströndum Spánar eftir að diskur með nýlegri tónlist Sverris Stormskers var spiluð í stað árásarhljóða Háhyrninga. Upp komst um málið þegar samninganefnd Evrópusambandsins, svokölluð Makrílnefnd bauð óvænta hækkun á makrílkvóta þeim sem styr hefur staðið um. Stendur nú Íslendingum til boða 11.9% kvóti af Makrílnum og er því óhætt að segja að mistökin hafi ekki verið einungis til ills. Skip Evrópusambandsins með flota Spánverja í fararbroddi hafa nú þegar veitt allan Íslenska þorskstofninn og mun því sparast mikill gjaldeyrir vegna þess að ekki þarf að senda neinar nefndir til samningaviðræðna ólíkt því sem gerst hefur í Makríldeilunni.

Varðandi Makríldeiluna hefur verið fundað ítrekað frá því í sumar. Ekki síst hefur verið um að ræða fundi á milli forystumanna strandríkjanna í sjávarútvegsmálum. Þannig hefur Maria Damanaki, sjávarútvegsstjóri, átt fundi með sjávarútvegsráðherrum Íslands, Noregs og Færeyja sitt í hvoru lagi og ráðherrarnir hafa að sama skapi fundað sín á milli. Sömuleiðis hafa eiginlegir samningafundir farið fram á milli samninganefnda strandríkjanna og er næst gert ráð fyrir að slíkur fundur fari fram 15. janúar næstkomandi þar sem freista á þess að ná lendingu í deilunni.

Frá Þórshöfn í Færeyjum.Maria Damanaki, sjávarútvegsstjóri ESB.

mbl news iceland

Gul skilaboð




EasyBooking.is
Lífeyrisréttindi.is
Gult á Facebook
Norðurljósin og norðurljósaspá
Blacki.is
Skipaferðir