EasyBooking.is

Þjóðarsátt í vændum?

GUL FRÉTT.

reykmerki001

Reykmerkið sem Cheerokee Indjánimm þýddi fyrir Almannavarnir.

Talandi Arnarauga – einn helsti Sérfræðingur Jeep verksmiðjanna flaug yfir eldstöðvarnar í Holuhrauni í óvissuferð vegna steggjunar eins úr fjölskyldunni. Talandi Arnarauga sem einnig er einn af elstu núlifandi meðlimum Cheerokee Indjánanna greindi Almannavörnum Íslands frá fréttatilkynningu sem Landvættir Íslands sendu frá sér nú síðdegis með reykmerkjum úr eldgosinu. Stuttur úrdráttur tilkynningarinnar er eftirfarandi:

“Þar sem bumbusláttur okkar til stuðnings kjaraviðræðum hinna vinnandi stétta í landinu hafa ekki borið árangur sem skyldi að okkar mati munum við skoða að herða aðgerðir okkar frá eldstöðvunum á Vatnajökulssvæðinu og skoða einnig að hefja þær í fleiri tiltækum eldstöðvum…”

 Almannavarnir hafa haft samband við Ríkisstjórnina og rétt í þessu skrifaði Samninganefnd Ríkisins undir leiðbeinandi tilmæli varðandi kjarasamninga 2015. Tilmælin eru byggð á atriðum úr fréttatilkynningu Landvætta Íslands og er vonast til að þar með fari  aðgerðum þeirra að ljúka.

 Helstu atriði tilmælanna eru eftirfarandi:

  • Reiknuð verði út Vísitala Sjálftökulauna þar sem meðalhækkun launa Alþingismanna, helstu stjórnarmanna í Lífeyrissjóðum, bönkum, og verkalýðs og alþýðusamtökum verði tekin til grundvallar hækkun launa allra almennra launþega.

  • Samningstíminn er ótilgreindur og gildir hann afturvirkt frá og með 1. nóvember 2008. Þetta þýðir á mannamáli að starfsmenn munu fá leiðréttingu á sínum launum aftur til 1. nóvember 2008 síðastliðins.

  • Desemberuppbót á árinu 2014 hækkar um 15,9% og fer úr 80.700 kr. í 93.500 kr.

  • Lágmarkslaun verða samsvarandi upphæð og nemur dagpeningum Alþingismanna.

  • Framlag í starfsmenntasjóði starfsmanna hækkar um 0,1%.

  • Gerðar verða breytingar á reglum um ráðningarsamninga starfsmönnum í hag.

Þetta eru helstu atriði tilmælanna en þar sem tilmælin eru nokkuð flókinn þá hvetur formaður landsmenn til að kynna sér vel innihald þeirra. Kynningargögn verða send landsmönnum eftir helgi ásamt gögnum varðandi útreikning hinnar nýju vísitölu. Einnig munu verða kynningarfundir sem auglýstir verða síðar.

Formaður vill þakka Talandi Arnarauga fyrir hans þátt í lausn á þessari áralöngu deilu. Það er ljóst að það hefði ekki tekist nema í gegnum þessa sérkunnáttu hans og greinilegt að yfirvöld hafa nú loksins fullan skilning á stöðu þeirra tekjulægstu.

Enn og aftur hvetur formaður Samninganefndar Ríkisins, landsmenn alla, til að hafa samband við sig til að fá nánari útskýringar á þessum tilmælum.

Gul skilaboð




EasyBooking.is
Lífeyrisréttindi.is
Gult á Facebook
Norðurljósin og norðurljósaspá
Blacki.is
Skipaferðir