EasyBooking.is

Sumar- og vetrartími klukkunnar.

GUL FRÉTT.

birtumælir001

Birtumælir eins og sá sem mun taka við hlutverki hefðbundnar klukku verði frumvarpið að veruleika.

Menn og konur úr öllum flokkum hafa lagt fram þingsályktunartillögu um að breyta klukkunni á Íslandi.

Ekki hafa allir verið á eitt sáttir um hvort seinka eigi klukkunni til að fá bjartari kvöld eða flýta henni til að fá bjartari morgna enda hvorugt sem myndi í rauninni virka. Á veturna kemur sólin varla upp vikum saman og á sumrin er hún á lofti dögum og vikum saman. Svokallaður fljótandi tími er því niðurstaðan og er miðað við að við 600 lúmexa birtu muni fólk fara til og frá vinnu.

Þetta eru nýmæli því í frumvarpinu er reiknað með að fólk sé einungis við vinnu þegar birtustig fer yfir 600 lúmex. Fyrst þegar birtustigið fer yfir 600 lúmex mætir fólk til vinnu og vinnur af kappi þar til birtustigið dettur undir 600 lúmex. Þá fer fólk heim aftur.

Fyrsti flutningsmaður þingsályktunartillögu um Fljótandi tíma er Páll Valur Björnsson, Bjartri framtíð.

Í tillögunni segir að valin yrði hentug tímasetning til breytinganna, innan árs frá því að hún yrði samþykkt. Klukkan hafi verið kolrangt skráð hér miðað við sólargang og allt frá 1968 stillt á sumartíma allt árið.

Þingmennirnir telja að svefnvenjur og líðan þjóðarinnar yrði betri með fljótandi tíma. Afturgöngur þyrftu ekki lengur að umreikna yfir í hið raunverulega miðnætti og jafnvel spöruðust útgjöld í heilbrigðiskerfinu. Flutningsmenn útiloka ekki að sumarfrí yrði fært yfir á veturna en á sumrin yrði fólk stanslaust við vinnu þær vikur sem sólin ekki sest. Tillaga um breytta klukku hefur áður komið fram á Alþingi en fram undir 2010 bar meira á umræðu um að flýta klukkunni á sumrin.

RUV

Frétt RUV.is

visir.is news iceland

Frétt Visir.is

Gul skilaboð




EasyBooking.is
Lífeyrisréttindi.is
Gult á Facebook
Norðurljósin og norðurljósaspá
Blacki.is
Skipaferðir