EasyBooking.is

Sandur uppurinn í Landinu

Gríðarleg hálka um allt land og allur sandur í landinu uppurinn.

Að sögn kunnugra er um að kenna gríðarlegu magni hótela sem eru í byggingu víðs vegar um landið í tengslum við verkefnið “Ísland allt árið”. Allur tiltækur sandur hefur verið notaður í þessar hótelbyggingar.

Hið óvenjulega kalda tíðarfar undanfarin misseri hefur komið sér sérstaklega illa fyrir bæjarstarfsmenn, Vegagerðina og aðra sem eiga að sjá um hálkuvarnir enda mun allur sandur á landinu hafa klárast um miðjan mánuðinn.

Miklir klaka- og svellbunkar eru í öllum hliðargötum SV- lands á þingöllum við  Gullfoss og helstu ferðamannastaði eins og fram hefur komið í fréttum. Að sögn veðurfræðinga er engin þýða í kortunum.

Mikil uppgrip eru hins vegar í heilbrigðiskerfinu enda mikill fjöldi beinbrotinna erlendra ferðamanna sem berst á degi hverjum og hafa hunduðir heilbrigðisstarfsmanna hætt við búferlaflutninga til annarra landa vegna uppgripanna. “Þetta er eins og að vera á Strikinu þannig að ég hef frestað flutningi mínum til Danmerkur fram að næstu þýðu” sagði ónefndur heilbrigðisstarfsmaður í viðtali við Gulu fréttir Gult.is

Að sögn Innanríkisráðuneytisins er þegar búið að panta sand frá Kína gegn um bæði ebay og alibaba og ætti fyrsta sending að hafa borist fyrir páska þegar páskahretið skellur á. “Fríverslunarsamningur við Kína er á lokastigi þannig að við verðum að þreyja þorrann.” eru skilaboð ráðuneytisins.

Hálkusandur.is

Gul skilaboð




EasyBooking.is
Lífeyrisréttindi.is
Gult á Facebook
Norðurljósin og norðurljósaspá
Blacki.is
Skipaferðir