EasyBooking.is

appelsínurnar 2

appelsinur001

Appelsínurnar við höfnina

BRANDARAHORNIÐ.

Nokkrar appelsínur voru að rúlla sér við höfnina þegar ein appelsínan fellur skyndilega í sjóinn. 

Þá hrópa hina appelsínurnar til hennar: ” Fljót fljót! – Skerðu þig í báta – skerðu þig í báta!…”

Kjarasamningar í höfn?

GUL FRÉTT.

 

joakim001

Full sátt hjá Samtökum Atvinnulífsins.

Náðst hefur sátt um  drög að tímamótasamkomulagi um nýja kjarasamninga milli allra helstu samninganefnda innanlands sem utan.

 Helstu atriði samkomulagsdraganna eru eftirfarandi:

  • Lágmarkslaun hækki í skrefum og verði að hámarki 300.000 kr. að þremur árum liðnum ásamt því að 33% launahækkunartúlkun Samtaka Atvinnulífsins á lægstu launataxtahækkunum verði sett á mánaðarlaun sem eru yfir 1.200.000,-

  • Meðallaun verði færð úr rúmum 420.000 kr. niður í 300.000 sléttar á 3 ára tímabilinu nema hjá launamönnum með yfir 1.200.000 sem hækka um áðurnefnd 33%

  • Samningstíminn er ótilgreindur og gildir hann afturvirkt frá og með 1. nóvember 2008 á mánaðarlaun yfir 1.200.000 en frá undirskrift á lægri laun. Þetta þýðir á mannamáli að sjálftökumenn munu fá leiðréttingu á sínum launum aftur til 1. nóvember 2008 síðastliðins á grundvelli hinnu nýju samningsdraga.

  • Desemberuppbót hjá launamönnum með mánaðarlaun yfir 1.200.000,- verði Arðgreiðslur upp á 50 – 200 milljónir eftir siðblindustigi en 25.000 hjá öðrum.

  • Viðvarandi Viðvaningavæðing helstu stofnana verði færð inn í öll fyrirtæki með sérstöku samkomulagi og framlag í starfsmenntasjóði starfsmanna verði því afnumið og allri þróunarvinnu og rannsóknum hætt.

  • Gerðar verða breytingar á reglum um ráðningarsamninga. Jeppi verði hluti af öllum ráðningarsamningum sjálftökumanna með mánaðarlaun yfir 1.200.000.

Þetta eru helstu atriði samningsdraganna en þar sem samningsdrögin eru nokkuð flókinn þá hvetur formaður landsmenn til að kynna sér vel innihald þeirra. Kynningargögn verða birt hér á næstu vikum ásamt gögnum varðandi útreikning hinna nýju samningsdraga. Einnig munu verða kynningarfundir sem auglýstir verða síðar.

Enn og aftur hvetur formaður Samninganefndar Landvætta Íslands, landsmenn alla til að fá nánari útskýringar á þessum samningsdrögum hjá sínu stéttarfélagi.

Hollusta

bradlausbraud

Brauðlaust brauð í neysluumbúðum.

 GUL FRÉTT.

Brauðlaust brauð.

Ekki eru allir á eitt sáttir um heilnæmi brauðmetis.

Nú er hægt að nálgast lausn fyrir þá sem ekki telja sig geta borðað þessa fæðu sem sonur Guðs nýtti á eftirminnilegan hátt fyrir um 2000 árum síðan við að metta mannfjöldann.

Óvænt­ur sig­ur­veg­ari gær­dags­ins á Twitter var gamla góða heim­il­is­brauðið. Segja má að brauðið hafi tröllriðið net­inu. „Þetta er virki­lega skemmti­legt,“ seg­ir Björn Jóns­son, fram­kvæmda­stjóri markaðssviðs hjá Myll­unni, sem ját­ar að vin­sæld­ir myllu­merk­is­ins #heim­il­is­braud hafi komið á óvart.

Heim­il­is­brauðið fór nokkuð óvænt á flug en Myll­an hef­ur und­an­farið birt nokkr­ar aug­lýs­ing­ar með fyrr­nefndu myllu­merki. Í gær benti hins veg­ar Atli Fann­ar Bjarka­son, rit­stjóri Nú­tím­ans, á merkið og málið vatt upp á sig í kjöl­farið.

Fróðlegt verður að sjá hvernig keppinauti heimilisbrauðsins – hið brauðlausa brauð kemur út í samkeppninni næstu misserin.

Samgöngustofa girt af.

lysing001

Maðurinn virðist hafa læst að sér á efstu hæð byggingarinnar sem var full af gjaldeyri.

Gríðarlega mikið magn peningaseðla þyrlaðist upp eftir að ósáttur viðskiptavinur komst á efstu hæð í  húsnæði Lýsingar við Ármúla 1 og henti miklu magni peningaseðla út af svölum hússins. Lýsing mun hafa geymt mikinn gjaldeyrisforða á efstu hæðinni vegna ofgreiddra gengislána sem stýr hefur staðið um í árabil.  Lögreglan hefur lokað af svæðinu en maðurinn er enn á svölum hússins með mikið magn peningaseðla sem þyrlast yfir nágrennið.

Að sögn lögreglunnar mun maðurinn hafa komist á efri hæðir byggingarinnar sem mun hafa verið full af þeim peningum sem viðskiptavinir hafa verið að greiða vegna þeirra lána sem styr hefur staðið um og mun vera um 7-8 milljarðar í erlendum gjaldeyri eftir því sem talsmaður lögreglunnar telur.

Mun peningana leggja yfir húsnæði Samgöngustofu sem er beint í austurátt. Að sögn Veðurstofunnar er ekki von á að vindátt breytist fyrr en um kvöldmatarleytið.

Í viðtölum við fjölmiðla segir Seðlabankastjóri að gríðarstór leynigjaldeyrisforði Lýsingar virðist vera gróft brot á gjaldeyrislögum.

 

 

 

 

Íkorninn og fíllinn

Tréð hristist gríðarlega

 

Íkorni situr uppi í grenitré þegar allt í einu byrjar það að hristast alveg svakalega. Hann lítur niður og sér að fíll er að klifra upp tréð.
“Hvað ertu að gera maður? Af hverju ertu að klifra upp tréð mitt?” kallar íkorninn niður til fílsins.
“Ég ætla að gæða mér á perum þarna uppi,” svarar fíllinn.
“Hálfviti! Þetta er grenitré! Það eru engar perur í grenitrjám!”
Fíllinn lítur dálítið tortrygginn á íkornann en svarar um síðir, “Tja, ég kom með eigin perur.”

—No feed items found.

 

 

 

 

 

Landvættir fara fram á opinbera rannsókn.

GUL FRÉTT.

kjörkassi

Atkvæðið örlagaríka.

Landvættir íslands fara fram á opinbera rannsókn vegna meintra mistaka við framkvæmd jöfnunar úr Jöfnunarsjóði íslands.

Munaði einu atkvæði er Árni Páll Árna­son sigraði Sig­ríði Ingi­björgu Inga­dótt­ur í for­manns­kjöri Sam­fylk­ing­ar­inn­ar á lands­fundi flokks­ins. Árni Páll hlaut 241 at­kvæði en Sig­ríður Ingi­björg 240 at­kvæði. Anna Pála Sverr­is­dótt­ir hlaut eitt at­kvæði og er það atkvæði til rannsóknar hjá Landvættunum.  Árni verður áfram formaður Sam­fylk­ing­ar­inn­ar.

 

 

 

 

Ferðaþjónusta fatlaðra á röngu tímabelti.

GUL FRÉTT.

neyðarhnappur

Neyðartímareiknihnappur strætó.is

Stefán Eiríksson segir mál ferðaþjónustu fatlaðra í ákveðnu jafnvægi eftir mikla umfjöllun í upphafi árs.

Í ljós hafi komið að nýtt tölvukerfi sem verið var að innleiða hafði verið stillt á tímabelti Azoreyja en þar skipta menn yfir í sumar og vetrartíma án viðvarana. Sé þar komin skýring á misræmi á rauntíma akstursþjónustunnar og pantaðs tíma sem valdið hefur úlfaþyt. Sérstökum neyðartímareiknihnappi hefur verið komið upp á vefsvæði Strætó en þar geta notendur reiknað yfir á tíma Azoreyja áður en ferðir eru pantaðar. 

Vandamálið ætti að hverfa varanlega verði frumvarp Bjartrar framtíðar um seinkun klukkunnar og afnám fimmtudagsfría að lögum

Neyðarstjórn ferðaþjónustu fatlaðra mun nú taka yfir stjórn Fiskveiðasjóðs, Samfylkingarinnar, Mannanafnanefndar, Fjármálaeftirlitsins og Landssambands sauðfjárbænda.

 

 

 

 

Neitaði að borga.

GUL FRÉTT.

Strætómynd001

Töluvert átak þurfti til að ná farþeganum.

 Neitaði að borga farið.

Lög­reglu barst til­kynn­ing um strætó­bíl­stjóra í tölu­verðum vand­ræðum með farþega í Aust­ur­bæn­um á tólfta tím­an­um í dag. Þegar lög­regl­an kom á vett­vang neitaði viðkom­andi að gefa upp nafn sitt og kenni­tölu, en hann hafði jafn­framt neitað að greiða fyr­ir farið með strætisvagninum.

Hann var færður á lög­reglu­stöðina á Hverf­is­götu þar sem hann var vistaður í fanga­geymslu og verður hann yf­ir­heyrður síðar.

 

 

 

 

 

 

 

 

Veðrið í beinni útsendingu

vedrid001

Smelltu á myndina til að sjá veðrið í beinni útsendingu.

Smelltu á myndina til að sjá veðrið í beinni.

Holótta Reykjavík

GUL FRÉTT.

holur002

Mikill sparnaður næst fram með hugmyndinni.

Samgöngumál.

Ekkert verður malbikað í Reykjavík næstu ár samkvæmt nýjum samþykktum meirihlutans. Drónaloftbelgir sem vara við holóttum vegi verða notaðir í þúsundatali. Einnig verður varið um 500 milljónum í að mjókka Grensásveg sem verður einnig þakinn fuglahúsum, málaður í grænum lit ásamt því sem stólalyfta verður sett upp fyrir reiðhjólafólk sem nennir ekki að hjóla upp götuna sem þykir full brött. Einnig verða sérstakar hraðamyndavélar á hjólandi umferð niður Grensásveg og verða sektir nýttar í rekstrarkostnað og græna málningu sem er nýjung. Einnig verður sett upp biðstöð sjúkrabifreiða við gatnamótin við Miklubraut enda búist við mikilli og stjórnlausri umferð reiðhjóla niður Grensásveginn. Áður hafa verið settar niður holueftirlíkingar á helstu umferðaræðar ættaðar frá Kópavogi áttuna áratugarins. Meirihlutinn boðar enn frekari samgöngubætur og lýsir eftir hugmyndum.

 

 

 

 



EasyBooking.is
Lífeyrisréttindi.is
Gult á Facebook
Norðurljósin og norðurljósaspá
Blacki.is
Skipaferðir