EasyBooking.is

norðurljósaspá gult.is

16-21. október 2012 

 
 

 

Nokkuð miklar líkur eru á áframhaldandi Norðurljósum flesta dagana.
Agnir frá nokkrum sólstormum hafa verið og eru um það bil að lenda á segulhjúpi jarðar og því mælum við með skýjahuluspá veðurstofunnar til að velja heppilega skoðunarstaði utan ljósmengunar þéttbýlisins og svo á vef segulmælinganna í Leirvogi sést nákvæmlega í rauntíma hvort eitthvað sé i gangi  🙂 Til gamans má geta þess að jörðin er að fara í gegn um leifar af hala Halley halastjörnunnar samkvæmt SpaceWeather.com og í bónus við norðurljósin ættu því að sjást nokkur stjörnuhröp á himni. Hámark þeirra ætti að vera í kring um 21. okt. en þá segja sérfróðir að um 25 stjörnuhrapa sé að vænta á hverri klukkustund.  Gaman ef það yrði heiðskýrt eitthvað áfram 🙂

 Flýtihnappa á nefnda vefi má finna hér svolítið neðar ásamt frekari útskýringum.

 

Minnum á að þessar spár eru mjög ónákvæmar og norðurljósin geta komið og farið nokkrum sinnum á hverri klukkustund.

 

Smáveigis fróðleikur.  

Aurora borealis, það sem við köllum Norðurljósin eru samkvæmt meðaltalinu að nálgast hámark 11 ára sveiflu sinnar um þessar mundir. Næstu 3 árin eða um það bil til 2015 má búast við tignarlegum ljósasýningum á heiðskýrum næturhimninum. Norðurljósin og raunar líka suðurljósin verða til í lofthjúp jarðar í um 100-250 km hæð.
Frá sólinni berst í sífellu svonefndur sólvindur sem er straumur rafhlaðinna agna. Þegar sólvindurinn nálgast jörðina hrindir segulsvið jarðarinnar honum frá sér nema í kringum segulpólana. Þar örvast sameindir og frumeindir í hjúpnum og þær senda frá sér sýnilegt ljós sem við köllum norðurljós  eða suðurljós. þessir sólvindar eru æði misjafnir frá degi til dags. Mesti styrkurinn virðist vera 1-3 dögum eftir svokölluð sólgos. Þegar fylgst er með sólgosum með sérhönnuðum stjörnukíkjum sjást þau hér á jörðinni 8 mínútum eftir að þau gerast en rafhlöðnu agnirnar frá þeim eru aftur á móti eins og áður sagði um það bil 1-3 daga á leiðinni til jarðar eftir því hversu kröftug þau eru. Því er hægt að sjá fyrir með nokkuð góðum fyrirvara hvort von sé á kröftugum norðurljósum. Þessar spár verða þó alltaf ónákvæmar en gefa þó góða hugmyndum það  hvort ástæða sé til að leggja á sig næturbrölt því eins og staðan er í dag verður að fara vel út fyrir ljósmengun götulýsinga til að sjá fyrirbærið í allri sinni dýrð.
Hér á síðunni munum við birta stutta norðurljósaspá sem nær um það bil 3 daga fram í tímann.
Spáin er byggð á heimildum af þeim vefsíðum sem finna má flýtihnappa á hér á síðunni.

 Njótið vel, Björgvin Kristinsson
vefstjóri Gult.is
 

Hér eru flýtihnappar á nokkrar vefsíður sem nauðsynlegt er að stúdera til að útbúa norðurljósaspá. Undirrituðum finnst upplýsingarnar á SpaceWeather.com passa best við Íslenskar aðstæður og er mest stuðst við þá síðu við gerð okkar norðurljósaspár.

      sólblettir    

  

Þín eigin norðurljósaspá.

Þú getur gert þína eigin norðurljósaspá með aðstoð vefsíðnanna hér að neðan.
Númer eitt er að skoða virkni sólvindanna svokölluðu yfir landinu. Inni á því sem við köllum slóð norðurljósanna er kort af norðurhveli jarðar sem sýnir með mismunandi litum hve mikil virknin er.
Rauði liturinn táknar mikla virkni.

Sama fyrirbæri og veldur norðurljósunum orsakar einnig truflanir á segulsviði jarðar.
Því er einnig gott að skoða rauntímagögnin frá segulmælingastöðinni í Leirvogi. Mikill órói á línuritunum þar sýnir truflanir á segulsviðinu og þar af leiðandi miklar líkur á norðurljósum.

Við skoðum á norðurljósunum þarf að vera heiðskýrt eða í það minnsta hálfskýjað og einnig er nauðsynlegt að fara vel út fyrir ljósmengun borga og bæja.
Þá er gott að skoða skýjahuluspá veðurstofunnar og finna þar stað sem gefur líkur á að hitta á skýjaglufur eða heiðskýran himininn.
Smella þarf á viðkomandi flýtihnappa til að komast inn á vefsvæðin.
Notið síðan “back” í vafra til að komast til baka inn á gult.is

 

Inni á Spaceweather.com er að finna rauntíma upplýsingar um sólgos þau sem valda norðurljósunum. Svokallaður sólvindur eru örlitlar agnir frá þeim sem skella á segulhjúp jarðar og valda þá norðurljósum. Það gerist venjulega um 2-3 dögum eftir að sólgosin sjást en einstaka sinnum berast agnirnar þó fyrr. Agnirnar ferðast hratt en þó mun hægar en ljósið þannig að með sérhönnuðum tækjum má sjá fyrirbærið með fyrrgreindum fyrirvara og eru rauntíma niðurstöður um þetta allt saman inni á Spaceweather.com ásamt allskonar öðrum fróðleik um leyndardóma himinhvolfsins. 

 

Hér fyrir neðan eru hnappar á fleiri síður tengdar norðurljósunum.

  

 

Hér er hægt að sjá til samanburðar norðurljósaspá frá öðrum aðilum.
Þess má geta að norðurljósaspá gult.is byggir á sjálfstæðum athugunum, reynslu, samanburði og ítarlegum skoðunum mismunandi gagna og er því ekki endilega samhljóma öðrum spám á þessu sviði. 

 norðurljósaspá veðurstofu íslands norðurljósaspá háskólans í alaska

  

   

Hér á síðum Gult.is samtvinnast systkynavefirnir
Gult.is, Flýtileiðir.is, Vefskráin.is og Þjónusta.is í eina heild.

Sértu með snertiskjá skaltu snerta það sem snertir þig

þjónusta, þjonusta, flýtihnappar, flýtileiðir, flytileidir, auglýsing, leitarvélabestun, leitarvélar, bestun, algjört æði.

Gul skilaboð

TIME IN ICELAND

The Astral Market.com

EasyBooking.is
Lífeyrisréttindi.is
Gult á Facebook
Norðurljósin og norðurljósaspá
Blacki.is
Skipaferðir