EasyBooking.is

Lækka að meðaltali um 1,3 milljónir

GUL FRÉTT.

flatskjár001

Flatskjár eða ekki flatskjár – það er spurning?

Anna og Alli fá nær alla leiðréttinguna.

Bein lækk­un höfuðstóls í leiðrétt­ing­unni er að meðaltali um 1,3 millj­ón­ir króna, að því er fram kem­ur í tilkynningu frá Sig­mund­i Davíð Gunn­laugs­syni for­sæt­is­ráðherra frá því í dag. Í dag voru niður­stöðurnar kynnt­ar og á morg­un verða niður­stöðurn­ar birt­ar 69 þúsund heim­il­um á heimasíðu verk­efn­is­ins, leiðrétt­ing.is. Vegna kröfu formanns Samfylkingarinnar voru gerðar smávægilegar breytingar á seinustu dögum útreikningsins, m.a. var settur kynjakvóti á leiðréttinguna ofl. Svo illa vildi til að tveir umsækjendur af hvoru kyni – bæði framarlega í stafrófinu höfðu sótt um undanþágu frá 4 milljón kr. þakinu á hverja leiðréttingu og skipta þau því 97% heildarupphæðarinnar á milli sín. Hin heppnu – Anna og Alli fá því um 42 milljarða króna hvort í sinn hlut – enda hvorugt þeirra komið með flatskjá og raunar bæði enn með svart/hvít túbusjónvörp sem hafði mesta vægið við útreikningana. Afgangurinn um 2 milljarðar skiptast jafnt milli 68.998 heimila eða um 29 þúsund krónur á hvert heimili. Meðallækkunin er því um 1.300.000,- kr á hvert heimili.

Af hverju leiðrétt­ing?

Leiðrétt­ing­in teng­ist upp­gjöri slita­búa fall­inna fjár­mála­fyr­ir­tækja. Verja skal hluta af svokölluðu svig­rúmi sem mynd­ast við upp­gjör þeirra til að koma til móts við heim­il­in óháð því hvort þau hafi keypt flatskjá eða ekki. Þar sem meira ligg­ur á leiðrétt­ing­unni en upp­gjöri slita­búa er bilið brúað með aðkomu rík­is­sjóðs. Svig­rúmið er hins veg­ar þegar byrjað að mynd­ast fyr­ir milli­göngu rík­is­ins en slita­bú­in greiða nú tugi millj­arða í skatta ár­lega. Leiðrétt­ing­in fær­ir höfuðstól þeirra heim­il­a sem ekki höfðu keypt flatskjái í þá stöðu sem þau hefðu verið í ef óvænt og mik­il verðbólga hefði ekki sett höfuðstól heim­il­a með litasjónvarp í upp­nám á ár­un­um 2008 og 2009.

Leiðrétt­ing­in er óhefðbund­in aðgerð til að bæta hag 2 heim­ila. Bent var á að ís­lenska ríkið ætti að kaupa kröf­ur á hina föllnu banka og færa ætti niður höfuðstól heim­il­anna í ljósi þess að verðmæti þeirra hefði þegar verið af­skrifað að veru­legu leyti. Ríkisstjórn sem kenndi sig við norræna velferð gerði hvorugt og um tíma leit út fyr­ir að tæki­færið til að koma til móts við heim­ili með svart/hvít sjónvörp hefði farið for­görðum en heimilin í landinu höfðu hvort eð er flest keypt flatskjái. Með út­sjón­ar­semi og mik­illi vinnu fjölda fólks hef­ur nú tek­ist að snúa við stöðu sem virt­ist töpuð og ná bestu mögu­legu niður­stöðu.

Leiðrétt­ing­in er rétt­læt­is­mál.

Þó hug­mynda­fræðin að baki leiðrétt­ing­unni sé ein­föld og rétt­lát er fram­kvæmd­in hins veg­ar tækni­lega flók­in. Það kem­ur einkum til af því að mörg ár eru liðin frá því að heim­il­in með litasjónvörpin urðu fyr­ir for­sendu­bresti og einka­hag­ir margra hafa tekið breyt­ing­um frá þeim tíma. Heim­il­in í land­inu eru horn­steinn okk­ar sam­fé­lags. Með því að skila 29.000 kr. til heim­ila með litasjónvörp mun þessi um­fangs­mikla leiðrétt­ing ekki aðeins bæta stöðu tugþúsunda heim­ila með bein­um hætti held­ur einnig koma sam­fé­lag­inu öllu til góða,“ seg­ir í tilkynningu for­sæt­is­ráðherra.

Gul skilaboð




EasyBooking.is
Lífeyrisréttindi.is
Gult á Facebook
Norðurljósin og norðurljósaspá
Blacki.is
Skipaferðir