Get Adobe Flash player

gul frétt

Völvuspá mánaðarins janúar 2018

RÚV
Þar sem bílastæðasjóður hefur nú farið ránshendi hjá starfsfólki RÚV og gestum þeirra verður ákveðið að flýta skoðunum á upptökum þar sem hljóð og mynd hafa ekki farið saman. Tæknideild RÚV mun því lagfæra mikið magn efnis síðustu 15 ára núna á næstu dögum. Það mun koma í ljós að hljóð og mynd varðandi áður Vinstri græna hefur aldrei farið saman í viðtölum. Upp kemst um mistökin þegar mikið magn kola fer að berast til Húsavíkur með stærstu kolaskipum jarðar.
Í ljósi þess mun hreyfingin skipta um nafn og heita eftir breytingu “Hægri hreyfingin – svartur kolareykur”.

Katrín og Hægri hreyfingin – svartur kolareykur.

Einnig munu nágrannar RÚV, sem sagt Sjóvá, kaupa PCC á Bakka og fá undanþágur frá opinberum gjöldum, ríkisstyrki, skattaafslætti, höfn, vegi og jarðgöng vegna fyrirhugaðrar þéttingar byggðar á Kringlusvæðinu.

Völvuspá Gult.is 2018

Völvuspá Gult.is 2018 – Framundan er algjör bomba B.O.B.A.

Eldgos á heimsmælikvarða
Árið byrjar með hæglætisveðri – svokölluðu eldgosaveðri!
Eldgosin munu heldur ekki láta á sér standa og munu Hekla, Katla, Bárðarbunga, Skjaldbreiður, Öræfajökull, Lakagígar, Snæfellsjökull, Bláfjöll, Eyjafjallajökull, Askja, Hengillinn, Grímsvötn, Krafla, Eldfell, Helgafell, Brennisteinsfjöll, Trölladyngja, Eldeyjarboði, Sandfellshæð, Þráinsskjöldur, Sveifluháls, Hengill, Hrómundartindar, Skarðsmýrarfjall, Stóri meitill, Sandey í Þingvallavatni, Dyngjufjöll, Eldgjá og Eldborg, Askja, Goðabunga, Þórðarhyrna, Hverfjall, Jörundur, Lúdent, Leirhnjúkur, Bjarnarflag, Langjökuls- og Hofsjökulseldstöðvarnar, Kerlingarfjöll, Setbergseldstöðin og Ljósufjöll gjósa á árinu – nei bara grín.
Eingöngu Hekla mun gjósa og hefst gosið 18. ágúst klukkan 17.34.
En takk eldgos.is fyrir innblásturinn.

Inga Sæland mun rassskella Bjarna, Kötu og Sigurð á hverjum degi þangað til þau loksins efna loforðin í desember.

Alþingisbruggklúbburinn slær í gegn
Áslaug Arna lætur drauminn rætast og stofnar Alþingisbruggklúbbinn. Þar verður Brynjar Níelsson fremstur í flokki og munu fylleríissöngvarnir og sviðsframkoma meðlima vekja eftirtekt, einnig út fyrir landsteinana. Já, Alþingisbruggklúbburinn fer í ferðalag á haustmánuðum og verður tekinn með mikið magn af landa á landamærum Noregs og Svíþjóðar. Í lok árs hefst taka heimildarmyndar um þennan myndarlega klúbb.

Kjarasamningar verða barn sín tíma og mun Kjararáð taka yfir Verkalýðsfélögin í landinu. Almenningi blöskrar þó launahækkanirnar en fólk flykkist að lokum í stórum stíl til kaupmannsins á horninu, kaupa rafmagnsbíla, fiktisnældur og fjarstýrð fótanuddtæki fyrir allan peninginn.

Þjórfé festir sig í sessi.

Costco hættir í kjölfarið starfsemi á Íslandi.

Sigríður Andersen lendir í vandræðum þegar í ljós kemur að allir dómarar Landsréttar reynast vanhæfir í einu af fyrstu dómsmálum réttarins þar sem makar þeirra allra koma við sögu.

Guðlaugur Þór Þórðarson gleymist á flugvelli í BNA, missir minnið og endar sem sérlegur lífvörður Trump þar til Íslenskar húsmæður á innkaupaferðalagi í Boston bera kennsl á hann og bjarga honum rétt fyrir jól.

Katrín skiptir um nafn á flokknum
Tæknideild RÚV mun lagfæra mikið magn efnis síðustu 15 ára á vormánuðum. Það mun koma í ljós að hljóð og mynd varðandi áður Vinstri græna hefur aldrei farið saman í viðtölum. Upp kemst um mistökin þegar mikið magn kola fer að berast til Húsavíkur með stærstu kolaskipum jarðar.
Í ljósi þess mun hreyfingin skipta um nafn og heita “Hægri hreyfingin – svartur kolareykur”.

Sjóvá kaupir PCC á Bakka og fær undanþágur frá opinberum gjöldum, ríkisstyrki, skattaafslætti, höfn, vegi og jarðgöng.

Lilja Alfreðsdóttir lætur setja inn í námsskrá grunnskólanna allt það sem við hin vissum ekkert um í aðdragana hrunsins. – Listin bak við milljarðabrask í anda Finns Ingólfssonar 202

Meiri Stjórnmál
Snemma á árinu kemur í ljós að ríkisstjórn Katrínar Jakobsdóttur hefur 247% þjóðarinnar á móti sér því 75% þjóðarinnar kaus ekki Sjálfstæðisflokkinn, 83% kaus ekki Vinstri græna og 89% kaus ekki Framsókn.

Ekki verða fleiri slys á ferðamönnum
Aðilar ferðaþjónustu á Íslandi kaupa nokkur aðvörunarskilti sem vantaði og láta sandbera á hálku þar sem þarf og munu slys á ferðamönnum heyra sögunni til í kjölfarið.
Snemma á árinu fær Ísland svo glæsilega kynningu sem áfangastaður í virtu erlendu tímariti um lífsstíl og ferðalög.

HM sigurför
Íslendingar verða að eilífu óviðræðuhæfir vegna sigurs á HM í knattspyrnu.

Reiðhjólabylgja
Landsmenn munu einnig leggja gömlu fótstignu reiðhjólunum sínum og nýtt og óvænt æði mun heltaka þjóðina áður en haustið gengur í garð sem felur í sér að nýta auða reiðhjólastíga til samgangna á svokölluðum Fatbike rafmagnsreiðhjólum.

Hjálmar Sveinsson slær loksins í gegn – hættir í stjórnmálum og fer í villimannslega framleiðslu og “world wide” sölu á holueftirlíkingum í anda sjöunda áratugar gatnakerfis Kópavogskaupstaðar.

Grensásvegur
Varið verður um 420 milljónum í að breikka aftur Grensásveg ásamt því sem hjólalyfta verður sett upp fyrir reiðhjólafólk sem nennir ekki að hjóla upp götuna sem þykir full brött ásamt því sem sett verður upp biðstöð sjúkrabifreiða við Miklubraut enda búist við mikilli og stjórnlausri umferð reiðhjóla niður Grensásveginn með tilheyrandi slysum. Einnig verða sett upp fuglahúsin frá Hofsvallagötunni og sérstakar hraðamyndavélar á hjólandi umferð niður Grensásveg. Sektir verða nýttar í fuglafóður.

Brúðkaup komast á Hópkaup
Biskup Íslands og Þjóðkirkjan bjóða upp á 20 ára brúðkaupstilboð á Hópkaup með inniföldum skírnum og fermingum tilvonandi barna.

#metoo
Einnig mun #metoo bjóða upp á pakka á Theastralmarket.com með brúðkaups­at­höfn með gínum án brúðhjóna. Í hon­um felst all­ur sá und­ir­bún­ing­ur og þau hátíðar­höld sem fel­ast í brúðkaupi, með hámarksöryggi og án þess að nokkuð muni nokkurntíman eiga sér stað.

Forsetinn rappar
Forseti Íslands slær óvænt í gegn með rapplagi á haustmánuðum. Hann gerði þetta alveg óvart að eigin sögn.

Reykjavíkurflugvöllur.
Flug verður lagt af á Reykjavíkurflugvelli og Trúarbragðagarði komið upp á svæðinu. Þarna rísa Moskur, Musteri, Hof, Kirkjur, Bænahús og galdrabrennur haldnar. Öllum starfandi trúfélögum verður úthlutuð ókeypis lóð á flugvallarstæðinu og lýst verður eftir umsóknum frá Galdratrúarfólki, Vodo og Vísindakirkjufólki. Vélbyssurnar frægu frá Noregi finnast svo óvænt og verða nýttar í að halda öllum innan girðingar.

Íslenskt næturlíf tekur breytingum
Norðurljósin og miðnætursólin taka völdin af Íslendingum og verður slökkt á götulýsingum á veturna milli klukkan 21 og 01 alla daga þegar himinn er heiðskýr og Svífur yfir esjunni með Ragga Bjarna verður spilað viðstöðulaust á sama tíma á sumrin á öllum betri útvarpsstöðvum – þegar ekki rignir.

Eurovision tekið á þjóðlegu nótunum
Ísland mun ná 3. sætinu með lagi í ætt við 3. áratug síðustu aldar sungið á Íslensku.

WOW fær óvæntan keppinaut
Nýtt Íslenskt flugfélag MOM hefur rekstur eftir að ein flugvéla WOW flýgur óvart á hvolfi yfir Reykjavík. Þar verður ókeypis með töskur.

Fjárhagslegt öryggi tryggt
Seinni part ársins verða Lífeyrissjóðirnir lagðir niður eftir að einhver lagði saman 2+2
Skyldusparnaður verður tekinn upp í staðinn.
www.lifeyrissjodirnir.is er til sölu.

Píratar rata rækileg í fréttirnar þegar … 0100 011 01000 111110 1001011 1011101 110100 01100 11100 0100001 1101 1001 1010 01 011 101  this has been hacked by Anomious 0100110 10111001….. ha ha ha ha ha !!! ….

Salernismál ferðamanna
Fullkomið sjúkrahús Bandaríkjahers sem staðið hefur autt um nokkurt skeið verður nýtt undir ígræðslur saurpoka og þvagleggja á alla ferðamenn sem berast til landsins. Ekki verði því frekari þörf á salernum eða umhirðu þeirra og sparast því mikil innviðauppbygging auk launakostnaðar sem hefur þó verið hverfandi enda aðstaðan nánast hvergi til staðar. Afurðum frá ferðamönnum á Íslandi verður svo sprautað yfir umferð í Frakklandi af þarlendum bændum í mótmælaskyni yfir ýmsum hlutum.

 

 

 

100% Hægri stjórn eftir lagfæringar RÚV.

GUL FRÉTT

Tæknideild RÚV hefur lagfært mikið magn efnis síðustu 15 ára.
Komið hefur í ljós að hljóð og mynd hafa aldrei farið saman í neinum viðtölum við liðsmenn Vinstri grænna síðustu áratuga.

Skýrir það hve vel stjórnarmyndunarviðræðurnar gengu og hve mikil glaðværð ríkir í herbúðunum.

Upp komst um mistökin þegar mikið magn kola hóf að berast til Húsavíkur með stærstu kolaskipum jarðar en liðsmenn Vinstri grænna gáfu mikinn afslátt af mengunarvörnum ásamt skattaívilnunun til mikils fjölda Stóriðjufyrirtækja ásamt því sem grunnur var lagður að gríðarlegum arðgreiðslum til fárra útvaldra í gegn um endurfjármögnun Sjóvá, SP Kef og fleiri fjármálafyrirtækja sem hafa blóðmjólkað millistétt landins undanfarin ár.

Í ljósi þess að allir stuðningsmennirnir hafa sagt sig úr Vinstri grænum hefur hreyfingin skipt um nafn og heitir nú “Hægri hreyfingin – svartur kolareykur”.

Verið er að fara yfir upptökur annarra flokka.

 

Fylgi nýrrar ríkisstjórnar

GUL FRÉTT.

Gulu fréttir Gult.is hefur tekið saman helstu tölfræði í sambandi við nýbakaða Ríkisstjórn Katrínar Jakobsdóttur.

Samkvæmt tölfræðinni kaus 75% þjóðarinnar ekki Sjálfstæðisflokkinn,
83% kaus ekki Vinstri græna
og 89% kaus ekki Framsókn.

Þessi ríkisstjórn hefur því 247% þjóðarinnar á móti sér.

Ekki lýgur tölfræðin frekar en fyrri daginn.

 

Ímynd landsins bætt.

Tveir verkfræðingar Umhverfisstofnunar fengu nýlega það verkefni að fara í viku starfsferð um landið til að undirbúa fyrirhugaða uppbyggingu innviða fyrir ferðamenn og skoða klósettmálin.
Seinasta daginn í starfsferðinni skammt frá nýja salerninu við Dyrhólaey gerði aftaka veður og höfðu tvær Kínverskar blómarósir ekið þar út af og fest bílaleigubílinn.
Verkfræðingarnir sáu að nú væri komið tækifæri til að bæta ímynd Íslands, stukku út úr bílnum og hófust handa við að meta aðstæður.
Þeir sáu að best væri að draga bílinn örlítið til baka og ýta honum svo áfram ef á þyrfti að halda.
Þeir fundu reipið til að draga bílinn og bönkuðu á gluggann hjá blómarósunum sem var greinilega verulega mál að létta á sér.
“Hello we are from the Æslandik góverment and have been starfing here on the roads in one week. We are going to help jú. First we are góing tú reip jú, then we are góing to ít jú and then fænallí you will be góing in tú the new toilet befor you know”…

Bílastæðin í Miðbænum

Maður nokkur átti erindi í miðbæinn á bílnum sínum en fann hvergi stæði. Hann hafði ekið marga marga hringi en hvergi var laust stæði.
Loks ákvað hann að leita til Guðs.
Góði Guð!
Ég skal hætta að reykja og drekka og fara í ræktina á hverjum degi bara ef þú reddar mér bílastæði…
…á sama augnabliki og hann sleppti orðunum birtist laust stæði beint fyrir framan bílinn.
Maðurinn lítur til himins og kallar til Guðs!
“Gleymdu þessu með bindindið og ræktina! …ég fann stæði sjálfur!!!”

Kosningabarátta Samfylkingar formlega hafin.

GUL (eða kannski rauð) FRÉTT.

Kosningabarátta samfylkingar fyrir sveitarstjórnarkosningar á næsta ári er formlega hafin á gönguljósum á Miklubraut á móts við höfuðstövar 365 miðla.
Sú nýbreytni er á kosningabaráttunni að þessu sinni að beitt er óhefðbundnum aðferðum með dáleiðslu og ýmiskonar duldum skilaboðum.

Eins og alþjóð hefur tekið eftir er svokallað logo Samfylkingarinnar rauður hringur og hefur því verið ákveðið að taka úr sambandi svokallaða “græna bylgju” á öllum umferðarljósum innan borgarmarkanna og umferðarljósin stillt yfir á “rauða bylgju”.
Rautt ljós mun nú loga á gönguljósum á Miklubraut á móts við við höfuðstðvar 365 á 2 mínútna fresti og öll umferðarljós stillt þannig að sem flestir þurfi að stöðva við rautt ljós og meðtaka logo Samfylkingarinnar.

Það er því svokallað Stokkholmsheilkenni sem mun stýra kjósendum við næstu kosningar en til gamans má geta að svokölluð fyrirhuguð “Borgarlína” er einmitt kerfi sem var notað á 9. áratug síðustu aldar – einmitt í Stokkhólmi.

WC vandræði Íslendinga að leysast?

GUL FRÉTT

Saurpokar eða svokallaðir stomapokar og þvagleggir hafa verið pantaðir fyrir þær 4 milljónir ferðamanna sem væntanlegar eru til Íslands næstu 18 mánuði.

Björt Ólafs­dótt­ir, nýr umhverf­is- og auð­linda­ráð­herra mælti fyrir frumvarpi varðandi ígræðsluna á seinustu mínútum liðins þings.

Frumvarpið skreið í gegn og var samþykkt enda allflestir þingmenn ýmist farnir heim fyrir misskilning eða sofnaðir og vekur málatilbúnaðurinn upp spurningar varðandi störf þingsins.

Björt hefur ráðið sér tvo aðstoð­ar­menn varðandi málið. Þau eru Steinar Kaldal og Þór­unn Pét­urs­dótt­ir.

Steinar hefur und­an­farið unnið sem verk­efn­is­stjóri hálendis­verk­efnis Nátt­úru­vernd­ar­sam­taka Íslands og Land­verndar sem er sam­vinnu­verk­efni nátt­úru­vernd­ar­sam­taka, úti­vist­ar­sam­taka og Sam­taka ferða­þjón­ust­unnar og snýr að vernd mið­há­lend­is­ins. Steinar er jafn­framt for­maður FUMÍ, félags umhverf­is­fræð­inga á Ísland­i.

Þór­unn Pét­urs­dóttir nam umhverf­is­fræði við Garð­yrkju­skóla rík­is­ins og land­fræði við Háskóla Íslands. Hún lauk masters­gráðu (MSc) í land­græðslu­vist­fræði frá Land­bún­að­ar­há­skóla Íslands og er að ljúka dokt­ors­gráðu í land­græðslu­vist­fræði frá sama skóla.

Björt vísar allri gagnrýni á bug og segir afurðir þessara ferðamanna vera Auðlind sem skapi umtalsverðar gjaldeyristekjur enda hafi franskir bændur þegar keypt afurðinar sem verði sprautað yfir helstu umferðarhnúta þar í landi í mótmælaskyni við hin ýmsu tilefni.

Einnig verði ekki frekari gagnrýni varðandi þörf á salernum eða umhirðu þeirra og sparast því mikil uppbygging auk launakostnaðar sem hefur þó verið hverfandi enda aðstaðan nánast hvergi til staðar.

Fullkomið sjúkrahús Bandaríkjahers sem staðið hefur autt um nokkurt skeið verður nýtt undir ígræðslurnar enda nánast byggt á flugbrautum Keflavíkurflugvallar. Háskólasamfélagið Keilir sem er í næsta húsi við hinn fullkomna spítala á flugbrautum Keflavíkurflugvallar hefur gert allsherjarsamning og mun sjá um öll mál tengd verkefninu. 

Leigubílstjóri veitti ökufanti beina eftirför.

Á tólfta tímanum tilkynnti leigubílstjóri til lögreglu í Hafnarfirði að hann væri í beinni eftirför við ökufant. Sá hélt ferð sinni óhikað áfram og elti leigubílstjórinn manninn þar til lögreglu bar að garði. Kom þá í ljós að í einu af fjölmörgum hringtorgum í Vallarhverfinu hafði leigubílstjórinn séð í skottið á sínum eigin bíl. Að sögn lögreglunnar hafa umrædd hringtorg valdið umtalsverðum ruglingi allt frá gerð þeirra sem mun hafa komið til vegna hringja eftir kaffibolla eins af verkfræðingum Vegagerðarinnar. Þetta mun enn sem komið er vera eina tilkynnta tilfellið þar sem vegfarandi hefur elt skottið á sjálfum sér.

Myndskeið fylgir frétt.

https://www.youtube.com/watch?v=aMxjRxo55QY

 

Leigubílstjóri elti ökufant

NÝ FRÉTT – Sögulegar sættir í Vatnsmýri.

GUL FRÉTT.

Sögulegar sættir hafa náðst milli allra fylkinga sem deilt hafa undanfarið um staðsetningu nýs Landsspítala annars vegar og flugvallarvina hins vegar. 

Í ljósi umferðaröngþveitis í dag var undirritað samkomulag um lagningu jarðganga að fyrirhuguðum Hátæknispítala sem rísa á við Hringbraut. Er þetta gert eftir að könnun hafði sýnt fram á allt að 40 mínútna aksturstíma sjúkrabíla seinustu metrana að spítalanum. 

Að sögn forsvarsmanna nýstofnaða jarðgangafyrirtækisins KB og Jens ehf sem er 49% í eigu Lífeyrissjóðanna, Kolkrabbans og Engeyjarveldis og 51% í eigu Hrægammasjóðanna eru framkvæmdir hafnar nú þegar.

Sérstök sjúkrabílagöng verða grafin frá öllum hverfum í 1. áfanga.

Í 2. áfanga verður Norður – Suður flugbrautin ásamt neyðarbrautinni svokölluðu settar í göng.

Í 3. áfanga verður Miklabraut frá Elliðaám sett í göng ásamt Hringbraut að gamla JL húsinu.

Í 4. áfanga er fyrirhuguð Sundabraut sett í göng ásamt Reykjanesbraut að Flugstöð Leifs Eiríkssonar og að lokum

í 5. áfanga verður Suðurlandsvegur að Hveragerði settur í göng.

Fjármögnun framkvæmdanna verður með nýstárlegu sniði en fyrirhugað er að byggja Hótelkeðju á gamla flugvallarstæðinu ofan á Miklubrautinn, ofan á Hringbrautinni, ofan á Reykjanesbrautinni, Sundabraut og Suðurlandsvegi endilöngum og muni væntanlegur 66 milljóna aðdáendahópur Justin Bieber ásamt foreldrum auk um 400 milljón aðdáenda Bollywood sem væntanlegir eru á árinu 2016 standa undir kostnaði verksins sem áætlað er að kosta muni þúsund billjón grilljónir að sögn Karíusar Baktussonar forsvarsmanns KB og Jens ehf. 

Sjá einnig frétt um salernisfríu ferðamennina…

https://www.youtube.com/watch?v=PfGaX8G0f2E

https://youtu.be/AEIVhBS6baE