Lög á yfirvinnubann Storka?

Storkar lentu með ferna tvíbura á fimmtudag við Landsspítalann.

storkur003

Yfirvinnubann Storka fjölgar tvíburalendingum.

„Þetta bjargaðist nú einhvern veginn eins og það gerir alltaf,“ segir Birna Gerður Jónsdóttir, yfirljósmóðir á Landspítala, en þann 14. júlí lentu Storkar með nítján börn við spítalann en vegna yfirvinnubanns Storka lentu 4 Storkar með 2 börn hver.

„Við erum orðnar svo gamlar að við munum bara ekki alveg hvað metið var en þetta er allavega mjög nálægt því,“ segir Birna og hlær.

Á fimmtudaginn var sem sagt mikið annríki við lendingaraðstöðu Storkanna.

„Það gerist ekki á hverjum degi að það lenda fernir tvíburar,“ segir Birna Gerður og bætir við að meiri áhætta fylgi tvíburalendingum. „Það auðveldaði okkur ekki fyrir að það var svona mikið af tvíburum enda koma fleiri fagaðilar að þannig lendingum.“

Birna Gerður segir að allt hafi gengið vel en að það hafi þurft að kalla út mannskap.

„Þetta er kannski ekki beint besti tíminn til að ná í fólk en einn þriðji af starfsfólkinu okkar er í sumarfríi,“ segir hún og útskýrir að það sé auðveldara að fá fólk til vinnu á öðrum tímum en í miðjum júlí.

Meirihluti barnanna sem lentu er stúlkur eða tólf talsins. Þá lentu sjö drengir. „Það má segja að þetta hafi verið stelpudagur en stelpurnar voru í miklum meirihluta,“ segir hún.

Birna Gerður vill meina að ástæða þess að allt hafi gengið vel sé hversu gott starfsfólk deildarinnar er og einnig séu Storkarnir frábærir. „Það er svo frábært starfsfólk hérna og frábærar ljósmæður í þessu húsi og vonandi leysist yfirvinnubann Storkanna fljótlega. Það hjálpast allir að þegar það er mikið að gera og fólk er tilbúið að koma og hjálpa,“ segir Birna Gerður Jónsdóttir.

WC vandræði Íslendinga að leysast?

GUL FRÉTT

Stomapokar og þvagleggir hafa verið pantaðir fyrir þær 4 milljónir ferðamanna sem væntanlegar eru til Íslands næstu 18 mánuði.

franskir001

Afurðum frá ferðamönnum á Íslandi sprautað yfir umferð í Frakklandi af þarlendum bændum í mótmælaskyni yfir verðhækkunum.

Sigrún Magnúsdóttir Umhverfis -og auðlindarráðherra mælti fyrir frumvarpi varðandi ígræðsluna á seinustu mínútum liðins þings.

Frumvarpið skreið í gegn og var samþykkt enda allflestir þingmenn ýmist farnir heim fyrir misskilning eða sofnaðir og vekur málatilbúnaðurinn upp spurningar varðandi störf þingsins.

Sigrún vísar allri gagnrýni á bug og segir afurðir þessara ferðamanna vera Auðlind sem skapi umtalsverðar gjaldeyristekjur enda hafi franskir bændur þegar keypt afurðinar sem verði sprautað yfir helstu umferðarhnúta þar í landi í mótmælaskyni við hin ýmsu tilefni.

Einnig verði ekki frekari gagnrýni varðandi þörf á salernum eða umhirðu þeirra og sparast því mikil uppbygging auk launakostnaðar sem hefur þó verið hverfandi enda aðstaðan nánast hvergi til staðar.

Fullkomið sjúkrahús Bandaríkjahers sem staðið hefur autt um nokkurt skeið verður nýtt undir ígræðslurnar enda nánast byggt á flugbrautum Keflavíkurflugvallar. Háskólasamfélagið Keilir sem er í næsta húsi við hinn fullkomna spítala á flugbrautum Keflavíkurflugvallar hefur gert allsherjarsamning og mun sjá um öll mál tengd verkefninu. 

Aflandskrónur til kjósenda.

kjörkassi

Það styttist í kosningar með hverjum deginum.

1. Apríl 2016

Í ljósi niðurstaðna skoðanakannana er ljóst að taka verður til róttækra aðgerða.

Þingflokkur Samfylkingar hefur samþykkt að þeir sem skrá sig í flokkinn í dag fái hlutdeild í bæði vöxtum og skattaávinningi þeirra fjölmörgu þingmanna og áhrifamanna í flokknum sem eiga reikninga á aflandsreikningum. Skorar þingflokkurinn á aðra þingflokka að gera slíkt hið sama enda eru þessir milljarðar á þessum aflandsreikningum að mestu tilkomnir vegna eiginhagsmunapots og vinahygli sem ástunduð er í flestum fjórflokkunum. 

“Við höfum verið með minna en 10% fylgi í öllum skoðanakönnunum þannig að það er til mikils að vinna að geta setið áfram við kjötkatlana” segir núverandi formaðurinn vígreifur “Við munum skipta 5% af þessum ávinningi jafnt milli þeirra sem skrá sig í flokkinn í dag sem virðist ekki há tala en þar sem um gríðarlega marga milljarða er að ræða gætu upphæðirnar skipt sköpum fyrir þá lægst launuðu og þá sem lent hafa illa í breyttum lyfjakostnaði sem við náðum í gegn með naumindum á síðustu klukkustundum síðasta kjörtímabils okkar að ógleymdum þeim skuldurum sem lentu í hinum margfrægu ÁrnaPálslögum. Einnig höfum við beint þeim tilmælum inn í borgarstjórn að þeir sem skrái sig í flokkinn í dag fái gert við eina malbiksholu að eigin vali. Við ætlum að sýna í verki í einn dag að kjósendur skipta okkur máli.”

Fréttin var fyrst birt á Gulu Pressunni þann 1. Apríl 2016.

 

Amma fartar…

Outhouse001

Amma gamla var fegin að eldhúsið slapp…

Sonurinn var í helgarfríi og vildi hjálpa til.

Faðir hans bóndinn, var að moka skítnum úr útikamrinum yfir jarðarberjabeðin þeirra. Sonurinn segir:
“Hey, pabbi, ég lærði það í menntaskólanum að það er alltaf til auðveldari leið.”
Þeir aka til bæjarins og kaupa nokkrar túbur af dýnamíti. Þeir setja túburnar undir kamarinn og ákveða að sprengja skítinn yfir jarðarberjabeðin. Allt var tilbúið … en þeir tóku hins vegar ekki eftir því þegar amma gamla hafði staulast inn á kamarinn.
BÚMM!
Skíturinn flýgur upp í loftið og … amma líka.
SPLASS!
Pabbinn og sonurinn hlaupa til ömmu.
“Amma, amma er allt í lagi með þig?” spyrja þeir.
“Já, það er allt í lagi með mig en VÁ … ég er fegin að ég sleppti þessum þrumara ekki lausum inn í eldhúsi!”

Leigubílstjóri veitti ökufanti beina eftirför.

Á tólfta tímanum tilkynnti leigubílstjóri til lögreglu í Hafnarfirði að hann væri í beinni eftirför við ökufant. Sá hélt ferð sinni óhikað áfram og elti leigubílstjórinn manninn þar til lögreglu bar að garði. Kom þá í ljós að í einu af fjölmörgum hringtorgum í Vallarhverfinu hafði leigubílstjórinn séð í skottið á sínum eigin bíl. Að sögn lögreglunnar hafa umrædd hringtorg valdið umtalsverðum ruglingi allt frá gerð þeirra sem mun hafa komið til vegna hringja eftir kaffibolla eins af verkfræðingum Vegagerðarinnar. Þetta mun enn sem komið er vera eina tilkynnta tilfellið þar sem vegfarandi hefur elt skottið á sjálfum sér.

Myndskeið fylgir frétt.

 

Leigubílstjóri elti ökufant

Leigubílstjóri keyrði af stað með eiginkonuna hálfa út.

Leigubílstjórar

Sumir leigubílstjórar eru líka strætóbílstjórar.

GUL FRÉTT.

Ung kona var hætt komin í dag þegar hún festist hálf inni í leigubíl sem var ekið af stað.

Eiginmaður hennar seg­ir frá at­vik­inu á Face­book síðu sinni. Seg­ir hann það hafa reynt ansi harka­lega á hjartað þegar kona henn­ar „gerði sér lítið fyr­ir og fór „ein“ í Taxa.“

„Við vor­um sum­sé á leið upp í Taxa á Lækj­ar­torgi, eiginkonan var kom­inn með annan fótinn upp í  þegar hurðirn­ar allt í einu lokast, klemma konuna í dyr­un­um og bíl­stjór­inn keyr­ir af stað,“ skrif­ar eigninmaðurinn. „Þeir nærstaddir sem sáu þetta voru sem bet­ur fer fljót­ir að öskra á leigubílstjór­ann að stoppa og konan fór því ekki langt ein, en þó nógu langt til að fylla mig einni þeirri mestu skelf­ingu sem ég hef nokk­urn tíma fundið fyr­ir.“

Leigubíl­stjór­inn baðst ekki af­sök­un­ar

Ástæðuna fyr­ir því að eiginmaðurinn skrif­ar um reynslu sína seg­ir hann vera til að koma þökk­um á fram­færi til „ynd­is­legr­ar huldukonu sem sagðist heita Álfheiður, sem kom og sett­ist hjá grenj­andi, snökt­andi hor­fjall­inu mér, og gaf mér gott knús þar til ljóst var að eiginkonan myndi snúa aftur,“ skrif­ar eiginmaðurinn.

Hann seg­ir um­rædda Álfheiði greini­lega með hjarta úr gulli og að sér hafi þótt veru­lega vænt um hjálp­ina. Eiginmaðurinn seg­ir bíl­stjór­ann ekki hafa yrt á hann, hvað þá beðist af­sök­un­ar, þegar hann sýndi hon­um giftingarhringinn sinn skjálf­andi.

„(…)hann má hins­veg­ar náðarsam­leg­ast éta það sem úti frýs.“

Upp­fært 22:40
Í sam­tali við Gult.is seg­ir eiginmaðurinn í ljós hafa komið að hann þekki mikið af huldufólki og tókst honum að koma þökk­um á fram­færi í gegn­um þau. Hyggst hann hafa sam­band við allar leigubílastöðvarnar vegna máls­ins á morg­un, þegar hann hef­ur náð að róa taug­arn­ar enda er honum enn brugðið vegna at­viks­ins.

Frétt MBL.is: http://www.mbl.is/frettir/innlent/2016/01/04/ok_af_stad_med_barnavagn_i_dyrunum/

NÝ FRÉTT – Sögulegar sættir í Vatnsmýri.

GUL FRÉTT.

simmi og bjarni

Sigmundur Davíð og Bjarni Benediktsson taka fyrstu hátækni -“skóflustungu” að nýjum sjúkrabílagöngum.

Sögulegar sættir hafa náðst milli allra fylkinga sem deilt hafa undanfarið um staðsetningu nýs Landsspítala annars vegar og flugvallarvina hins vegar. 

Í ljósi umferðaröngþveitis í dag var undirritað samkomulag um lagningu jarðganga að fyrirhuguðum Hátæknispítala sem rísa á við Hringbraut. Er þetta gert eftir að könnun hafði sýnt fram á allt að 40 mínútna aksturstíma sjúkrabíla seinustu metrana að spítalanum. 

Að sögn forsvarsmanna nýstofnaða jarðgangafyrirtækisins KB og Jens ehf sem er 49% í eigu Lífeyrissjóðanna, Kolkrabbans og Engeyjarveldis og 51% í eigu Hrægammasjóðanna eru framkvæmdir hafnar nú þegar.

Sérstök sjúkrabílagöng verða grafin frá öllum hverfum í 1. áfanga.

Í 2. áfanga verður Norður – Suður flugbrautin ásamt neyðarbrautinni svokölluðu settar í göng.

Í 3. áfanga verður Miklabraut frá Elliðaám sett í göng ásamt Hringbraut að gamla JL húsinu.

Í 4. áfanga er fyrirhuguð Sundabraut sett í göng ásamt Reykjanesbraut að Flugstöð Leifs Eiríkssonar og að lokum

í 5. áfanga verður Suðurlandsvegur að Hveragerði settur í göng.

Fjármögnun framkvæmdanna verður með nýstárlegu sniði en fyrirhugað er að byggja Hótelkeðju á gamla flugvallarstæðinu ofan á Miklubrautinn, ofan á Hringbrautinni, ofan á Reykjanesbrautinni, Sundabraut og Suðurlandsvegi endilöngum og muni væntanlegur 66 milljóna aðdáendahópur Justin Bieber ásamt foreldrum auk um 400 milljón aðdáenda Bollywood sem væntanlegir eru á árinu 2016 standa undir kostnaði verksins sem áætlað er að kosta muni þúsund billjón grilljónir að sögn Karíusar Baktussonar forsvarsmanns KB og Jens ehf. 

Sjá einnig frétt um salernisfríu ferðamennina…

Norðurljósaspáin á nýjum stað.

Norðurljósaspáin er nú komin á Norðurljósin.is sem er ný síða.

Þar er að finna myndir og tengla á helstu síður tengdar Norðurljósunum auk þess sem Norðurljósaspá á mannamáli er sett inn þegar von er á miklum Norðurljósum.

Þar er einnig hægt að setja inn Norðurljósatengdar auglýsingar á hófstilltu verði.

www.nordurljosin.is

156 ár frá tröllauknum sólstormi.

sólgos001

Efniseindasending frá Sólinni.

NORÐURLJÓSASPÁ.

Í dag eru 156 ár síðan gríðarlegur sólvindur skall á segulhjúpi Jarðar.
Þann 2. september 1859 vaknaði fólk upp við það sem þau töldu vera sólarupprás. Sú var ekki raunin. Um var að ræða gríðarleg norðurljós af völdum billjón tonna efniseindasendingu frá gríðarstórum sólbletti. Viktoríska telex- internetið brann yfir og telexpappírinn brann víða vegna gríðarhárrar spennu sem magnaðist upp í símalínunum. Það sama myndi gerast í háspennulínum nútímans þegar svona sending hittir Jörðina. Þann 23. júlí 2012 gerðist samskonar atburður á sólinni en í það skiptið hitti sendingin ekki en rétt straukst framhjá Jörðinni. Um 4 til 10 ár er talið að muni taka að lagfæra raforkukerfin okkar þegar svona atburður endurtekur sig.

Heimild: www.spaceweather.com

https://www.youtube.com/watch?v=FuMMSabVfig

Samanlagt fylgi Sam­fylk­ing­ar­inn­ar í 17 ár er 100%

solar-cycle-sunspot-numberaugust2015

Sveiflur á fylgi flokkanna eftir árum.

GUL FRÉTT.

Einungis eru eftir bíllausir, samkynhneigðir og múslimar en þessir hópar samanlagt teljast nákvæmlega 9% af kosningabæru fólki á landinu sem er fylgi Sam­fylk­ing­ar­inn­ar sam­kvæmt nýj­um þjóðar­púlsi Gallup og hef­ur ekki verið minna í 17 ár eða frá því í maí 1998. Fylgi flokksins er þó 100% kjósenda hans. mv. sama tíma. Þetta kem­ur fram á frétta­vef Rík­is­út­varps­ins. Að sögn hafa forustumennirnir kerfisbundið bitið af sér hvern hópinn af öðrum. Fyrst reið Jóhanna á vaðið með flatskjáreigendur stuttu eftir hrun og strax í kjölfarið losaði Árni Páll flokkinn við þá sem skulduðu húsnæðis- og bílalán. Loks losaði borgarstjórinn Dagur B. Eggertsson flokkinn við þá sem hafa þurft að keyra bíl um Reykjavík. Einungis eru eftir bíllausir samkynhneigðir og múslimar en þessir hópar samanlagt teljast nákvæmlega 9% af kosningabæru fólki á landinu.

Sjálf­stæðis­flokk­ur­inn er með 21,6% fylgi og hef­ur stuðning­ur við flokk­inn ekki verið minni síðan í nóv­em­ber 2008. Tekið skal fram að könnunin var gerð milli 18 og 20 þannig að mikill fjöldi sjálfstæðismanna var sannanlega úti að grilla þegar könnunin var gerð og svöruði því ekki.

Pírat­ar njóta sem fyrr mests stuðnings sam­kvæmt skoðana­könn­un­um eða 36% sem er dörtýsex per sent á útlensku sem gæti verið hugsanleg skýring.

Fylgi Vinstri­hreyf­ing­ar­inn­ar – græns fram­boðs er 12% en það er samanlagt fylgi stóriðjuunnenda á Bakka, og þeirra sem hlusta enn á rás 1 samanlagt.

Fylgi Fram­sókn­ar­flokks­ins er 11% en talan 11 er önnur hinna svokölluðu meistaratalna, hin er tuttugu og tveir. Hún er tákn andlegrar þekkingar, vitrana og dulrænna hæfileika enda skilur enginn hvernig fylgið getur verið 11% en ekki eitthvað allt annað. Talan er tengd Úranus  og stjörnumerkinu Vatnsbera. Litir tölunnar eru ljósblár, grár og silfurlitaður.

Fylgi Bjartr­ar framtíðar er sagt vera 4,4% sem væri minnsta fylgi flokks­ins á kjör­tíma­bil­inu en hugsanlegt er talið að prentvillupúkinn hafi komist í gögn þannig að fylgið gæti hugsanlega verið 44%. Þá væri framtíðin björt hjá Bjartri framtíð.

Skoðana­könn­un­in var gerð dag­ana 6. til 30. ág­úst. Sam­tals voru 4290 í úr­taki Gallup og var svar­hlut­fallið 56,9%.

1 2 3 14