Aðframkomnir storkar lentu við Landsspítalann með 4 börn.

storkar001

Aðframkomnir Storkar hringsóla yfir sjónum.

Fjórir aðframkomnir storkar lentu með börn við Land­spít­al­an­n rétt eftir miðnætti og fá for­eldr­ar þeirra því notið nýrr­ar reglu­gerðar, sem kveður á um hækk­un há­marks­greiðslna í fæðing­ar­or­lofi úr 370.000 krón­um í 500.000 krón­ur á mánuði.

Þá fá for­eldr­ar um­ræddra barna einnig hærri fæðing­ar­styrk auk þess sem lág­marks­greiðslur or­lofs­ins eru hærri en áður.

Rík­is­stjórn­in samþykkti á fundi í síðustu viku til­lögu Eygló­ar Harðardótt­ur, fé­lags- og hús­næðismálaráðherra, sem fel­ur í sér þess­ar breyt­ing­ar, en gild­istaka reglu­gerðar­inn­ar miðast við börn sem lenda í dag, 15. októ­ber, eða síðar.

Þetta fyr­ir­komu­lag hef­ur vakið reiði margra, enda ljóst að munað get­ur stór­um fjár­hæðum á því fyr­ir for­eldra hvort barn þeirra lenti í gær eða í dag. Send var sérstök tilkynning til storkanna og tilmælum beint til þeirra um að hringsóla með börnin yfir fyrirhuguðum lendingarstöðum fram yfir miðnætti svo sem flestir gætu notið nýju reglnanna.

 

Hollasta Djöflatertan

heathiest kake

Nýja Djöflaterta Keisarans.

Nú ætlum við að kenna ykkur að baka hollustu djöflatertu sem um getur í hinni víðu veröld.

Það er ekkert hveiti í henni, enginn sykur, engin egg, ekkert smjör, engin mjólk – ekkert!!!

    1. takið fallegasta diskinn á heimilinu og setjið hann inn í ofn.

    2. öfugt við hefðbundinn bakstur er ekki nauðsynlegt að kveykja á ofninum.

    3. látið diskinn vera í ofninum í um það bil 5-15 mínútur

Þið eruð nú komin með hina margfrægu Nýju Djöflatertu keisarans sem er algerlega laus við hvaða skaðlegu íblöndunarefni sem er.

Lög á yfirvinnubann Storka?

Storkar lentu með ferna tvíbura á fimmtudag við Landsspítalann.

storkur003

Yfirvinnubann Storka fjölgar tvíburalendingum.

„Þetta bjargaðist nú einhvern veginn eins og það gerir alltaf,“ segir Birna Gerður Jónsdóttir, yfirljósmóðir á Landspítala, en þann 14. júlí lentu Storkar með nítján börn við spítalann en vegna yfirvinnubanns Storka lentu 4 Storkar með 2 börn hver.

„Við erum orðnar svo gamlar að við munum bara ekki alveg hvað metið var en þetta er allavega mjög nálægt því,“ segir Birna og hlær.

Á fimmtudaginn var sem sagt mikið annríki við lendingaraðstöðu Storkanna.

„Það gerist ekki á hverjum degi að það lenda fernir tvíburar,“ segir Birna Gerður og bætir við að meiri áhætta fylgi tvíburalendingum. „Það auðveldaði okkur ekki fyrir að það var svona mikið af tvíburum enda koma fleiri fagaðilar að þannig lendingum.“

Birna Gerður segir að allt hafi gengið vel en að það hafi þurft að kalla út mannskap.

„Þetta er kannski ekki beint besti tíminn til að ná í fólk en einn þriðji af starfsfólkinu okkar er í sumarfríi,“ segir hún og útskýrir að það sé auðveldara að fá fólk til vinnu á öðrum tímum en í miðjum júlí.

Meirihluti barnanna sem lentu er stúlkur eða tólf talsins. Þá lentu sjö drengir. „Það má segja að þetta hafi verið stelpudagur en stelpurnar voru í miklum meirihluta,“ segir hún.

Birna Gerður vill meina að ástæða þess að allt hafi gengið vel sé hversu gott starfsfólk deildarinnar er og einnig séu Storkarnir frábærir. „Það er svo frábært starfsfólk hérna og frábærar ljósmæður í þessu húsi og vonandi leysist yfirvinnubann Storkanna fljótlega. Það hjálpast allir að þegar það er mikið að gera og fólk er tilbúið að koma og hjálpa,“ segir Birna Gerður Jónsdóttir.

Leigubílstjóri veitti ökufanti beina eftirför.

Á tólfta tímanum tilkynnti leigubílstjóri til lögreglu í Hafnarfirði að hann væri í beinni eftirför við ökufant. Sá hélt ferð sinni óhikað áfram og elti leigubílstjórinn manninn þar til lögreglu bar að garði. Kom þá í ljós að í einu af fjölmörgum hringtorgum í Vallarhverfinu hafði leigubílstjórinn séð í skottið á sínum eigin bíl. Að sögn lögreglunnar hafa umrædd hringtorg valdið umtalsverðum ruglingi allt frá gerð þeirra sem mun hafa komið til vegna hringja eftir kaffibolla eins af verkfræðingum Vegagerðarinnar. Þetta mun enn sem komið er vera eina tilkynnta tilfellið þar sem vegfarandi hefur elt skottið á sjálfum sér.

Myndskeið fylgir frétt.

 

Leigubílstjóri elti ökufant

NÝ FRÉTT – Sögulegar sættir í Vatnsmýri.

GUL FRÉTT.

simmi og bjarni

Sigmundur Davíð og Bjarni Benediktsson taka fyrstu hátækni -“skóflustungu” að nýjum sjúkrabílagöngum.

Sögulegar sættir hafa náðst milli allra fylkinga sem deilt hafa undanfarið um staðsetningu nýs Landsspítala annars vegar og flugvallarvina hins vegar. 

Í ljósi umferðaröngþveitis í dag var undirritað samkomulag um lagningu jarðganga að fyrirhuguðum Hátæknispítala sem rísa á við Hringbraut. Er þetta gert eftir að könnun hafði sýnt fram á allt að 40 mínútna aksturstíma sjúkrabíla seinustu metrana að spítalanum. 

Að sögn forsvarsmanna nýstofnaða jarðgangafyrirtækisins KB og Jens ehf sem er 49% í eigu Lífeyrissjóðanna, Kolkrabbans og Engeyjarveldis og 51% í eigu Hrægammasjóðanna eru framkvæmdir hafnar nú þegar.

Sérstök sjúkrabílagöng verða grafin frá öllum hverfum í 1. áfanga.

Í 2. áfanga verður Norður – Suður flugbrautin ásamt neyðarbrautinni svokölluðu settar í göng.

Í 3. áfanga verður Miklabraut frá Elliðaám sett í göng ásamt Hringbraut að gamla JL húsinu.

Í 4. áfanga er fyrirhuguð Sundabraut sett í göng ásamt Reykjanesbraut að Flugstöð Leifs Eiríkssonar og að lokum

í 5. áfanga verður Suðurlandsvegur að Hveragerði settur í göng.

Fjármögnun framkvæmdanna verður með nýstárlegu sniði en fyrirhugað er að byggja Hótelkeðju á gamla flugvallarstæðinu ofan á Miklubrautinn, ofan á Hringbrautinni, ofan á Reykjanesbrautinni, Sundabraut og Suðurlandsvegi endilöngum og muni væntanlegur 66 milljóna aðdáendahópur Justin Bieber ásamt foreldrum auk um 400 milljón aðdáenda Bollywood sem væntanlegir eru á árinu 2016 standa undir kostnaði verksins sem áætlað er að kosta muni þúsund billjón grilljónir að sögn Karíusar Baktussonar forsvarsmanns KB og Jens ehf. 

Sjá einnig frétt um salernisfríu ferðamennina…

Norðurljósaspáin á nýjum stað.

Norðurljósaspáin er nú komin á Norðurljósin.is sem er ný síða.

Þar er að finna myndir og tengla á helstu síður tengdar Norðurljósunum auk þess sem Norðurljósaspá á mannamáli er sett inn þegar von er á miklum Norðurljósum.

Þar er einnig hægt að setja inn Norðurljósatengdar auglýsingar á hófstilltu verði.

www.nordurljosin.is

156 ár frá tröllauknum sólstormi.

sólgos001

Efniseindasending frá Sólinni.

NORÐURLJÓSASPÁ.

Í dag eru 156 ár síðan gríðarlegur sólvindur skall á segulhjúpi Jarðar.
Þann 2. september 1859 vaknaði fólk upp við það sem þau töldu vera sólarupprás. Sú var ekki raunin. Um var að ræða gríðarleg norðurljós af völdum billjón tonna efniseindasendingu frá gríðarstórum sólbletti. Viktoríska telex- internetið brann yfir og telexpappírinn brann víða vegna gríðarhárrar spennu sem magnaðist upp í símalínunum. Það sama myndi gerast í háspennulínum nútímans þegar svona sending hittir Jörðina. Þann 23. júlí 2012 gerðist samskonar atburður á sólinni en í það skiptið hitti sendingin ekki en rétt straukst framhjá Jörðinni. Um 4 til 10 ár er talið að muni taka að lagfæra raforkukerfin okkar þegar svona atburður endurtekur sig.

Heimild: www.spaceweather.com

https://www.youtube.com/watch?v=FuMMSabVfig

Samanlagt fylgi Sam­fylk­ing­ar­inn­ar í 17 ár er 100%

solar-cycle-sunspot-numberaugust2015

Sveiflur á fylgi flokkanna eftir árum.

GUL FRÉTT.

Einungis eru eftir bíllausir, samkynhneigðir og múslimar en þessir hópar samanlagt teljast nákvæmlega 9% af kosningabæru fólki á landinu sem er fylgi Sam­fylk­ing­ar­inn­ar sam­kvæmt nýj­um þjóðar­púlsi Gallup og hef­ur ekki verið minna í 17 ár eða frá því í maí 1998. Fylgi flokksins er þó 100% kjósenda hans. mv. sama tíma. Þetta kem­ur fram á frétta­vef Rík­is­út­varps­ins. Að sögn hafa forustumennirnir kerfisbundið bitið af sér hvern hópinn af öðrum. Fyrst reið Jóhanna á vaðið með flatskjáreigendur stuttu eftir hrun og strax í kjölfarið losaði Árni Páll flokkinn við þá sem skulduðu húsnæðis- og bílalán. Loks losaði borgarstjórinn Dagur B. Eggertsson flokkinn við þá sem hafa þurft að keyra bíl um Reykjavík. Einungis eru eftir bíllausir samkynhneigðir og múslimar en þessir hópar samanlagt teljast nákvæmlega 9% af kosningabæru fólki á landinu.

Sjálf­stæðis­flokk­ur­inn er með 21,6% fylgi og hef­ur stuðning­ur við flokk­inn ekki verið minni síðan í nóv­em­ber 2008. Tekið skal fram að könnunin var gerð milli 18 og 20 þannig að mikill fjöldi sjálfstæðismanna var sannanlega úti að grilla þegar könnunin var gerð og svöruði því ekki.

Pírat­ar njóta sem fyrr mests stuðnings sam­kvæmt skoðana­könn­un­um eða 36% sem er dörtýsex per sent á útlensku sem gæti verið hugsanleg skýring.

Fylgi Vinstri­hreyf­ing­ar­inn­ar – græns fram­boðs er 12% en það er samanlagt fylgi stóriðjuunnenda á Bakka, og þeirra sem hlusta enn á rás 1 samanlagt.

Fylgi Fram­sókn­ar­flokks­ins er 11% en talan 11 er önnur hinna svokölluðu meistaratalna, hin er tuttugu og tveir. Hún er tákn andlegrar þekkingar, vitrana og dulrænna hæfileika enda skilur enginn hvernig fylgið getur verið 11% en ekki eitthvað allt annað. Talan er tengd Úranus  og stjörnumerkinu Vatnsbera. Litir tölunnar eru ljósblár, grár og silfurlitaður.

Fylgi Bjartr­ar framtíðar er sagt vera 4,4% sem væri minnsta fylgi flokks­ins á kjör­tíma­bil­inu en hugsanlegt er talið að prentvillupúkinn hafi komist í gögn þannig að fylgið gæti hugsanlega verið 44%. Þá væri framtíðin björt hjá Bjartri framtíð.

Skoðana­könn­un­in var gerð dag­ana 6. til 30. ág­úst. Sam­tals voru 4290 í úr­taki Gallup og var svar­hlut­fallið 56,9%.

Norðurljósin snemma á ferð á þessu tímabili.

29august2015

Myndin er tekin á Nesjavöllum þann 29. ágúst 2015

NORÐURLJÓSASPÁ.

Töluverðar Norðurljósasýningar hafa verið síðustu nætur sem verður að segjast frekar óvenjulegt í ágústmánuði.

Næsta áætlaða Norðurljósasýning er þann 2. september þegar Jörðin fer í gegn um svokallað “sektorstreymi”. Skýjahuluspáin lýtur vel út þannig að helstu sérfræðingar telja um 70% líkur á að Norðurljósin láti sjá sig.

Myndir frá Nesjavöllum má sjá á facebook.com/nordurljosaspa 

Þvagleggir á alla erlenda ferðamenn.

GUL FRÉTT

Stomapokar og þvagleggir hafa verið pantaðir fyrir þær 3 milljónir ferðamanna sem væntanlegar eru til Íslands næstu 18 mánuði.

franskir001
Afurðum frá ferðamönnum á Íslandi sprautað yfir umferð í Frakklandi af þarlendum bændum í mótmælaskyni yfir verðhækkunum.

Ögmundur Jónasson þingmaður og einn helsti andstæðingur salernisaðstöðu fyrir ferðamenn mælti fyrir frumvarpi varðandi ígræðsluna á seinustu mínútum liðins þings.

Frumvarpið skreið í gegn og var samþykkt enda allflestir þingmenn ýmist farnir heim fyrir misskilning eða sofnaðir og vekur málatilbúnaðurinn upp spurningar varðandi störf þingsins.

Ögmundur vísar gagnrýninni á bug og segir afurðir þessara ferðamanna skapa umtalsverðar gjaldeyristekjur enda hafi franskir bændur þegar keypt afurðinar sem verði sprautað yfir helstu umferðarhnúta þar í landi í mótmælaskyni við hin ýmsu tilefni.

Einnig verði ekki frekari þörf á salernum eða umhirðu þeirra og sparast því launakostnaður sem hefur þó verið hverfandi enda aðstaðan nánast hvergi til staðar.

Fullkomið sjúkrahús Bandaríkjahers sem staðið hefur autt um nokkurt skeið verður nýtt undir ígræðslurnar enda nánast byggt á flugbrautum Keflavíkurflugvallar.

1 2 3 14